پی پی کراچی ڈویژن کے نئےعہدیداروں کا اعلان، ڈاکٹرعاصم صدرمقرر -
The news is by your side.

Advertisement

پی پی کراچی ڈویژن کے نئےعہدیداروں کا اعلان، ڈاکٹرعاصم صدرمقرر

لاہور : پاکستان پیپلز پارٹی نے ڈاکٹرعاصم حسین کو پی پی کراچی ڈویژن کا صدر مقرر کردیا، سعید غنی سیکریٹری جنرل اور شہلارضا کو سیکریٹری اطلاعات مقرر کیا گیا ہے۔

تفصیلات کے مطابق پیپلزپارٹی کے رہنما جمیل سومرو نے بلاول ہاؤس لاہور کے باہر میڈیا سے گفتگو کرتے ہوئے کہا ہے کہ بلوچستان، کے پی اور کراچی ڈویژن کی تنظیموں کا اعلان آج کیا جارہا ہے۔

 انہوں نے بتایا کہ ڈاکٹرعاصم حسین  پیپلزپارٹی کراچی ڈویژن کے صدر، سینیٹرسعید غنی پیپلزپارٹی کراچی ڈویژن کےجنرل سیکریٹری، شہلارضا پیپلزپارٹی کراچی ڈویژن کی سیکریٹری اطلاعات، اقبال شاہ پیپلزپارٹی بلوچستان کے جنرل سیکرٹری، علی مدد جتک پی پی پی بلوچستان کے صدر، ہمایوں خان پیپلزپارٹی خیبرپختونخوا کے صدر، فیصل کریم کنڈی پیپلزپارٹی خیبرپختونخوا کے جنرل سیکریٹری مقرر کیے گئے ہیں۔

مزید پڑھیں : رہائی کےبعد سیاست نہیں ڈاکٹری کروں گا،ڈاکٹرعاصم

چیئرمین پاکستان پیپلز پارٹی بلاول بھٹو زرداری نے ڈاکٹر عاصم حسین کو کراچی ڈویژن کا صدر مقرر کیا، انہوں نے بتایا کہ پیپلز پارٹی کی تنظیم سازی کا پہلا مرحلہ مکمل ہوگیا ہے، 30 نومبر کو یوم تاسیس منایا جائے گا، چاروں صوبوں کے صدور کے ناموں کا اعلان کردیا گیا ہے، جبکہ پورے پاکستان کی تنظیم سازی کا عمل یکم دسمبر 2016 سے شروع کیا جائے گا۔

Comments

comments

یہ بھی پڑھیں