The news is by your side.

Advertisement

کراچی کومتبادل پلیٹ فارم دیا جارہا ہے، ڈاکٹرفاروق ستار

کراچی : ایم کیو ایم کے سینئر ڈپٹی کنوینر ڈاکٹرفاروق ستار نے کہا ہے کہ مارچ سے کراچی کو متبادل ہاتھوں میں دینے کا کام شروع ہوگیا ہے۔

منحرفین کے ٹولے کے آتے ہی کارکنوں کی گرفتاری شروع کردی گئیں ہیں۔ خورشید بیگم سیکرٹریٹ کراچی میں پریس کانفرنس سے خطاب کرتے ہوئے ڈاکٹر فاروق ستار کا کہنا تھا کہ ایم کیو ایم کی سرگرمیوں پرغیر اعلانیہ پابندی عائد ہے۔

کراچی کو متبادل پلیٹ فارم دیا جارہا ہے، اُس کا منشور مائنس قائد ایم کیو ایم ہے، ڈاکٹر فاروق ستار کا کہنا تھا کہ ایم کیو ایم نے کسی بھی جانے والے کو روکا نہ منایا، 10 ہزار افراد کے قتل کا الزام متحدہ پر لگایا گیا، اس الزام کی تحقیقات کے لئے جوڈیشل کمیشن کے قیام کا مطالبہ کرتے ہیں۔

انہوں نے بتایا کہ ایک مہینے میں100سےزائدکارکنوں کو گرفتار کیا گیا،گرفتار کارکنان پر نہ تو کوئی مقدمہ ہے اور نہ ہی کوئی الزام ہے۔

ڈرائی کلیننگ مشین لگا کر سو خون معاف کئے جا رہے ہیں۔ نا معلوم نمبرز سے کا ل کر کے دھمکیاں دی جارہی ہیں، جن نمبروں سے دھمکیوں کی کالز آ رہی ہیں، وہ ثبوت رینجرز اور پولیس کو فراہم کرنے کے لئے تیار ہیں۔

 

Print Friendly, PDF & Email

Comments

comments

یہ بھی پڑھیں