The news is by your side.

Advertisement

ڈاکٹر طاہرالقادری کینیڈا سے وطن واپس پہنچ گئے

لاہور: پاکستان عوامی تحریک کے سربراہ علامہ ڈاکٹر طاہرالقادری کینیڈا سے وطن پہنچ گئے، ایئرپورٹ پر ان کا پرتپاک استقبال کیا گیا۔

تفصیلات کے مطابق چیئرمین پاکستان عوامی تحریک ڈاکٹر طاہرالقادری کینیڈا سے براستہ استنبول لاہور پہنچے ہیں، لاہور ایئرپورٹ پر کارکنان کی جانب سے ان کا پرتپال استقبال کیا گیا۔

ڈاکٹر طاہرالقادری غیرملکی ایئرلائن کی پروازٹی کے 714 سے لاہور پہنچے، ان کے استقبال کے لیے ایئرپورٹ پر کارکنان کی بڑی تعداد موجود رہی، ڈاکٹر طاہرالقادری پی اے ٹی کی کورکمیٹی کے اجلاس کی صدارت کریں گے۔


کرپٹ شہبازشریف کا چورسوئچ احدچیمہ کے پاس ہے: طاہرالقادری


کورکمیٹی اجلاس میں آئندہ انتخابات کا لائحہ عمل طے ہوگا علاوہ ازیں سانحہ ماڈل ٹاؤن سے متعلق تحقیقات اور مستقبل کے اہم فیصلے بھی زیر غور آئیں گے۔

خیال رہے کہ گذشتہ دنوں اے آر وائی نیوز کے پروگرام دی رپورٹرز میں گفتگو کرتے ہوئے پاکستان عوامی تحریک کے سربراہ ڈاکٹر طاہرالقادری کا کہنا تھا کہ شریف برادران کا سیاسی جنازہ اٹھنے کے قریب ہے مارچ میں تدفین ہوجائے گی۔


شریف برادران کا سیاسی جنازہ اٹھنے والا ہے، ڈاکٹرطاہرالقادری


سربراہ پاکستان عوامی تحریک کا کہنا تھا کہ احتجاج کرنے میں کسی کے محتاج نہیں جب کرنا ہوا باآسانی کریں گے اور محض 48 گھنٹے کے نوٹس پرخود مال روڈ بھرسکتے ہیں، ہمارےپاس عوام کا سمندر ہے، کسی کے محتاج نہیں ہیں۔

انہوں نے یہ بھی کہا تھا کہ شریف خاندان کی سیاست اب ہمیشہ ہمیشہ کے لیے ختم ہوچکی ہے، انہوں نے ملک کا پیسہ لوٹ کر اپنی جائیدادیں بنائی ہیں، ان کو قوم کی کوئی فکر نہیں صرف ذاتی مفاد سوچتے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریںْ۔

Comments

comments

یہ بھی پڑھیں