اسلام آباد : ڈرگ ریگولیٹری اتھارٹی نے انسولین کی 5 پراڈکٹس کی رجسٹریشن کر لی، جس میں ہائیپرین اور فلو ویکسین کی ایک، ایک پراڈکٹ شامل ہیں۔
تفصیلات کے مطابق ڈرگ ریگولیٹری اتھارٹی نے انسولین کی پانچ پراڈکٹس کی رجسٹریشن کر لی ہے، ترجمان ڈریپ کا کہنا ہے کہ ہائیپرین اور فلو ویکسین کی ایک، ایک پراڈکٹ رجسٹرڈ کی گئی ہے۔
ترجمان نے بتایا کہ نگران وزیر صحت کی ہدایت پر ڈریپ میں انقلابی اقدامات جاری ہیں۔
نگراں وزیر صحت نے کہا اس اقدام سے مارکیٹ میں اہم ادویات کی فراہمی کا سلسلہ بہتر ہوگا، ڈریپ میں ادویات کی رجسٹریشن کا عمل فاسٹ ٹریک پر ہے۔
ان کا مزید کہنا تھا کہ جان بچانے والی ادویات کی بلا تعطل فراہمی کیلئےاقدامات یقینی بنا رہے ہیں۔
Comments
- Advertisement -
