لاہور : ڈرگ ریگولیٹری اتھارٹی سے 7 غیر معیاری ادویات کے میڈیکل پراڈکٹ الرٹ جاری کردیا۔
تفصیلات کے مطابق پنجاب ڈرگ کنٹرول ڈائریکٹوریٹ کا غیر معیاری ادویات کیخلاف کریک ڈاؤن جاری ہے ، جسمیں غیر معیاری وٹامن بی 12، اینٹی بائیوٹک اور اینٹی الرجک دوائیں پکڑی گئیں۔
ڈرگ ریگولیٹری اتھارٹی سے 7 غیر معیاری دواؤں کے میڈیکل پراڈکٹ الرٹ جاری کردیا، جس میں بتایا پنجاب ڈرگ ٹیسٹنگ لیب نے ادویات کے غیر معیاری ہونے کی تصدیق کی۔
ڈریپ الرٹ میں کہا گیا کہ پنجاب ڈرگ ٹیسٹنگ لیب نے 7دواؤں کےبیچ جعلی قرار دیئے ہیں، غیر معیاری دوائیں لاہور، راولپنڈی کی فارما کمپنیزکی تیارکردہ ہیں
ڈریپ کا کہنا تھا کہ متاثرہ دوائیں اے ایس ایس اے ٹیسٹ کے معیار پرپورا نہیں اتریں،غیر معیاری دواؤں کے سیمپلز میں غیرمتعلقہ زرات پائےگئےتھے او سیمپلز ملاوٹ شدہ پائے گئے تھے۔
اعصابی کمزوری دواکے3، اینٹی الرجک دوا کا ایک بیچ غیرمعیاری ہے، ینٹی بائیوٹک دواؤں کے دو بیچز غیر معیاری نکلے ہیں۔
میتھی کوبال انجکشن، ٹیبلٹس کے 3غیر معیاری بیچزپکڑےگئے ،نیوکوبال انجکشن کا بیچ ایس 2455 غیر معیاری ہے، میکولومائن ٹیبلٹ کے بیچز 8440، 8482 غیر معیاری ہیں۔
اینٹی بائیوٹک انجکشن ایمیکورون کا بیچ بی کے 019 اور انجکشن سازی کے سٹیرائل واٹر ایکوا پی بیچ 669 غیر معیاری ہے جبکہ الرجی کی دوا اورٹیزن ٹیبلٹ کا بیچ 241268 بیچ اور اینٹی بائیوٹک ڈرپ ڈورسپ کا بیچ ڈی سی 121 غیر معیاری ہے
غیر معیاری ادویات کے استعمال سے علاج متاثر ہو سکتا ہے، پنجاب حکومت غیرمعیاری دواؤں کی روک تھام کیلئے ہنگامی اقدامات کرے۔
ڈریپ کی ریگولیٹری فورس کو پنجاب مین مارکیٹ سرویلنس بڑھانے اور پنجاب میں جعلی ادویات سپلائی چین کی جامع تحقیقات کی ہدایت کرتے ہوئے کہا مارکیٹس میں دستیاب غیر معیاری دواؤں کے بیچ ضبط کئے جائیں۔
