کینیڈا: خراب ڈرائیور ہر جگہ مل جاتے ہیں، لیکن کینیڈا کے شہر مسی ساگا میں پیش آنے والا یہ واقعہ بالکل ہی انوکھا ہے۔
آخر ڈرائیور نے ایسی کیا غلطی کر دی کہ ٹرک پُل کے نیچے کھڑی حالت میں پھنس گیا؟ لوگوں نے دیکھا تو حیران رہ گئے، ویڈیو میں بھی اسے دیکھا جا سکتا ہے۔
رپورٹس کے مطابق بدھ کی صبح مسی ساگا میں ہائی وے 401 پر ایک پُل کے نیچے ایک ڈمپ ٹرک ڈرائیور سے بے قابو ہو کر عمودی حالت میں پھنس گیا۔
اونٹاریو کی صوبائی پولیس نے بتایا کہ ڈرائیور نے ٹرک خالی کیا تھا لیکن اس کے بعد اس کے کنٹینر کو نیچے نہیں کیا، بلکہ اسی کھڑی حالت ہی میں ٹرک چلانے لگا، جب ٹرک پل کے نیچے پہنچا تو اس کا کنٹینر پل سے ٹکرا کر پھنس گیا۔
Dump box up = empty the load
Dump box down = drive
Seems this wasn't followed today. #Hwy401 eb express lanes approaching Mavis Rd #MississaugaOPP investigating. Est. 3 hours before reopening. pic.twitter.com/gp33HKjJ8Y— OPP Highway Safety Division (@OPP_HSD) October 19, 2022
ٹرک کو نکالنے کے لیے بعد ازاں کرین منگوایا گیا، اس حادثے میں ڈرائیور سمیت کسی کو بھی نقصان نہیں پہنچا، تاہم پل کے ایک حصے کو نقصان ضرور پہنچا ہے۔
رپورٹس کے مطابق ڈرائیور کو مبینہ طور پر حادثے کے لیے جرمانہ کیا جائے گا۔ انٹرنیٹ پر صارفین نے اس بات پر حیرت کا اظہار کیا کہ آخر ٹرک ڈرائیور کو یہ کیسے معلوم نہ ہوا کہ ڈمپر اوپر ہے۔
