معروف یوٹیوبر ‘جوائے ہیلمس’ نے آتش فشاں پہاڑ پر ابلتے ہوئے لاوے کے قریب ترین مناظر محفوظ کرنے کے لیے اپنا ڈرون کیمرا قربان کردیا۔
یورپی ملک آئس لینڈ میں جوائے نے آتش فشاں پھٹنے کے قریب ترین مناظر کیمرے کی آنکھ سے قید کیے، ڈرون کیمرا لاووں کے اخراج کے اس مقام پر پہنچ چکا تھا جہاں اس کا صحیح سلامت بچنا ناممکن تھا، فضا میں موجود گرم گیس اور تپش کے باعث کیمرا ناکارہ ہوکر لاوے میں جاگرا جس کا اب کوئی نام ونشان نہیں ہے۔
یوٹیوبر ریموٹ کی مدد سے ڈرون کو اس مقام پر لے گیا تھا جہاں سے لاوے کا اخراج ہو رہا تھا لیکن بدقسمتی سے اس کا مہنگا ترین اور نیا ڈرون کیمرا تباہ ہوگیا۔
تاہم کیمرا ناکارہ ہونے سے قبل حیرت انگیز مناظر چھوڑ گیا جسے خودکار سسٹم کے تحت محفوظ کیا گیا۔
ماہرین کا کہنا ہے کہ آئس لینڈ کے ریکجینس نامی ریجن میں آتش فشانی پہاڑ سے رواں سال 19 مارچ سے کھولتے ہوئے لاوے بہہ رہے ہیں۔ مرحلہ وار وقفے وقفے سے نئے لاووں کا سلسلہ جاری رہتا ہے۔
جوائے ہیلمس نے بتایا کہ آتش فشاں کے پھٹنے کے بعد اوپری مناظر ڈرون کی مدد سے دکھانا بہت مشکل تھا کیوں کہ اطراف میں خطرناک اور گرم گیس کا اخراج ہوتا ہے لیکن ہم نے ایڈونچر سے بھرپور مناظر قید کرنے کی ٹھان لی تھی۔
اس دل دہلا دینے والی ویڈیو پر سوشل میڈیا صارفین نے دلچسپ تبصرے بھی کیے۔
If you listen closely, you can hear the drone say:
I 👏🏼did 👏🏼not 👏🏼give 👏🏼consent 👏🏼to 👏🏼this. https://t.co/B7NdMjFZYH— Abdulaziz AlSmairi (@alsmairi90) June 1, 2021
Google show me a representation of my life https://t.co/RAx2cRyfMC
— Hoggy (@TheHoggy) June 1, 2021
A drone crashed into the molten lava of Iceland's Fagradalsfjall volcano, providing a mesmerizing close-up view into the erupting crater. https://t.co/Kf0u1fCc29 pic.twitter.com/EmappQykI5
— CNN (@CNN) June 2, 2021
