کراچی: پاکستان کوسٹ گارڈز نے ایک بڑی کارروائی میں 12 اونٹوں پر لدی چرس سے بھری 75 بوریاں پکڑ لیں۔
تفصیلات کے مطابق پاکستان کوسٹ گارڈز نے بلوچستان کے علاقے پسنی میں پیٹرولنگ کے دوران کارروائی میں منشیات کی بھاری مقدار بیرون ملک اسمگلنگ کی کوشش ناکام بنا دی۔
ترجمان کوسٹ گارڈز کے مطابق اونٹوں پر لدی 852 کلو چرس پکڑی گئی ہے، منشیات کو بعد میں لانچ اور اسپیڈ بوٹ سے بیرون ملک اسمگل کیا جانا تھا۔
اینٹی نارکوٹک فورس کی پسنی میں انسداد منشیات کے لیے بڑی کاروائی #news #radiopakistan pic.twitter.com/1r7dkOjRG5
— ریڈیوپاکستان (@PBCofficialNews) February 11, 2024
کراچی: پولیس نے منشیات کی بڑی کھیپ پکڑلی
ترجمان کا کہنا تھا کہ برآمد منشیات کی عالمی منڈی میں مالیت کروڑوں روپے ہے، کوسٹ گارڈز نے 12 اونٹ، لانچ اور اسپیڈ بوٹ کو تحویل میں لیا ہے۔
