کراچی:پاکستان کوسٹ گارڈز نے کارروائی کرتے ہوئے کروڑوں روپے مالیت کی منشیات پکڑی لی جب کہ اسلحہ برآمد کر کے 4 ملزمان کو گرفتار کرلیا۔

تفصیلات کے مطابق پاکستان کوسٹ گارڈز نے خفیہ اطلاع پر موبائل گشت کے دوران بلوچستان پیشگان کے مقام پر مشکوک کار کا تعاقب کر کے گاڑی کو روک کرتلاشی لی اور اس دوران ایک ایس ایم جی ،ایک پسٹل بمعہ چھ میگزین اور150کلو گرام چرس اور 9 کلو گرام کی ہیروئن برآ مدکر کے 4افراد کو گرفتار کر لیا۔

ترجمان کا کہنا تھا کہ منشیات بیرون ملک اسمگل کی جانی تھی جبکہ ایک اور کارروائی کے دوران ناکہ کھاری چیک پوسٹ سے خا لی کنٹینر سے 45کلو گرام چرس برآمد کر تے ہو ئے ایک ملزم کو گرفتار کر لیا گیا۔

پکڑی جانے والی منشیات اور اسلحہ کی عالمی مارکیٹ میں مالیت تقریباً56 کروڑ روپے سے زائد ہے۔ برآمد شدہ منشیات،اسلحہ اور05اسمگلرزکو تحویل میں لے کر مزید تفتیش کی جاری ہے۔