بھارت میں شوہر نے جھگڑے کے بعد نئی نویلی دلہن کو تیز دھار آلے سے قتل کردیا۔
بھارتی میڈیا رپورٹس کے مطابق افسوسناک واقعہ ریاست راجستھان کے ضلع جھالاوان میں پیش آیا جہاں راجا رام تنور نے شادی کے چند ہفتوں کے بعد ہی دلہن کو موت کے گھاٹ اتار دیا۔
جائے وقوعہ سے فرار ہونے سے پہلے شوہر نے سسر کو فون کرکے بتایا کہ اس نے ان کی بیٹی کو قتل کردیا ہے۔
راجا رام کی منگنی گزشتہ سال سنیتا سے ہوئی تھی لیکن خاندان نے شادی منسوخ کردی تھی تاہم دونوں ایک دوسرے کے ساتھ رابطے میں رہے اور 10 فروری کو بھاگ کر مندر میں شادی کرلی۔
پولیس کے مطابق بعد سنیتا کے اہلخانہ نے رشتہ قبول کرلیا تھا۔
پیر کی شام تقریباً 5 بجے راجارام جو نشے کی حالت میں تھا، سنیتا کے ساتھ جھگڑا ہوا۔ بحث کے دوران اس نے اس کے سر پر تیز دھار ہتھیار سے وار کیا جس سے وہ موقع پر ہی ہلاک ہوگئی۔
سنیتا کو قتل کرنے کے بعد راجا رام نے اس کے والد کو فون کیا اور انہیں واقعہ کی اطلاع دی۔
ایس ایچ او نے بتایا کہ خاتون کے والد نے پولیس کو اطلاع دی۔ راجارام شراب کا عادی ہے اور اس نے دونوں کی شادی کے فوراً بعد اپنی بیوی کو مارنا شروع کر دیا اور جوڑا تقریباً ہر روز لڑتا تھا۔
