The news is by your side.

Advertisement

عمر کا تعین : دعا زہرا کا میڈیکل آج مکمل کرلیا جائے گا

کراچی : عدالتی حکم پر دعا زہرا کی عمر کے تعین کیلئے میڈیکل آج مکمل کیا جائے گا اور ٹیسٹ کے بعد رپورٹ فائنل کی جائے گی۔

تفصیلات کے مطابق دعا زہرا کیس میں پولیس کی جانب سے بیان میں کہا گیا ہے کہ دعا زہرا کا میڈیکل آج مکمل کرلیا جائے گا، گذشتہ روز دعا کے تین میڈیکل ٹیسٹ کیے گئے تھے۔

اے وی سی سی شعبہ تفتیش نے بتایا کہ دعا زہرا کے عمر کے تعین کے لیے بون ٹیسٹ اور دیگر ٹیسٹ ہوں گے ، سول اسپتال میں تمام ٹیسٹ کیے جارہے ہیں۔

حکام کے مطابق آج مزید ٹیسٹ کے بعد رپورٹ فائنل کی جائے گی اور آج شام تک رپورٹ ممکنہ طور پر موصول ہوجائے گی۔

اے وی سی سی شعبہ تفتیش کا کہنا ہے کہ عدالت میں دعا زہرا کی رپورٹ پیش کی جائے گی ، رپورٹ کی روشنی میں عدالت فیصلہ کرے گی۔

گذشتہ روز پولیس حکام نے دعازہرا اور اس کے شوہر ظہیر کو سندھ ہائیکورٹ میں پیش کیا گیا، جہاں دعا زہرا نے والدین سے ملنے سے انکار کردیا تھا۔

عدالت نے دعا زہرا کی عمر کے تعین کیلئے میڈیکل ٹیسٹ کرانے کا حکم دیتے ہوئے شیلٹر ہوم بھیجنے کا حکم دے دیا۔

Comments

یہ بھی پڑھیں