دبئی: متحدہ عرب امارات میں تین روزہ رعایتی سیل کا انعقاد کیا جارہا ہے جس کے تحت صارفین مختلف اشیاء 90 فیصد خصوصی رعایت پر حاصل کرسکیں گے۔
گلف نیوز کی رپورٹ کے مطابق متحدہ عرب امارات میں دبئی فٹنس چیلنج کے جشن کے موقع پر تین روزہ رعایتی سیل کا انعقاد کیا جارہا ہے، امارات میں مقیم صارفین 90 فیصد رعایت پر مختلف اشیا حاصل کرسکیں گے، سپر سیل 29 اکتوبر سے 31 اکتوبر تک جاری رہے گی۔
متحدہ عرب امارات میں رہائش پذیر غیر ملکیوں کے لیے اپنے پیاروں کے لیے تحائف اور دیگر آئٹمز خریدنے کا نادر موقع ہے۔
رعایتی سیل 29 اکتوبر صبح 10 بجے سے شروع ہوگی اور 31 اکتوبر کی رات 12 بجے تک جاری رہے گی۔
مزید پڑھیں: متحدہ عرب امارات میں تین روزہ رعایتی سیل کا انعقاد
رپورٹ کے مطابق دبئی فٹنس چیلنج میں حصہ لینے والے شرکا بھی خصوصی سیل سے کھیل، صحت سے متعلق اشیا پر 90 فیصد رعایت پر حاصل کرسکتے ہیں، اسی طرح فیشن سے متعلق مصنوعات ، جیولری سمیت دیگر آئٹمز پر 75 فیصد تک رعایت دی جارہی ہے۔
خیال رہے کہ گزشتہ برس منعقد کی جانے والی لوٹ سیل سے نا صرف مقامی باشندوں، غیر ملکی مزدوروں بلکہ غیر ملکی سیاحوں نے بھی استفادہ کیا تھا۔
