دبئی میں موجود سیبو پیسیفک ایئر نے کرایوں میں بڑی رعایت دے دی۔
گلف نیوز کی رپورٹ کے مطابق سیبو پیسیفک ایئر نے اعلان کیا ہے کہ آئندہ سال 10 سے 12 جون تک دبئی سے منیلا سفر کرنے والے مسافر صرف 2 درہم ادا کریں۔
فلپائن اور متحدہ عرب امارات نے اپنے قرنطینہ مدت کو ختم کردیا ہے اور مکمل ویکسین شدہ مسافروں کے لیے سفری پابندیوں میں نرمی کردی گئی ہے۔
یہ مہم فلپائن کے جدید دور کے ہیروز کے لیے ایک بروقت موقع فراہم کرتی ہے کہ وہ آئندہ سال کے لیے اپنے ٹکٹ جلد از جلد بک کرائیں چھٹیوں سے لطف اندوز ہوں۔
دبئی سے منیلا جانے والی سیبو پیسفک کی پرواز کی قیمت فی الحال تقریباً 2,800 درہم ہے جبکہ ایمریٹس ایئر لائن روٹ پر درہم 2,400 تک چارج کرتی نظر آتی ہے۔
فلپائن نے سفری قوانین میں نرمی کی اور 10 فروری سے ملک کے سیاحت کے شعبے کو بین الاقوامی مسافروں کے لیے دوبارہ کھول دیا لیکن اس نے قبل از روانگی ریورس ٹرانسکرپشن پولیمریز چین ری ایکشن ٹیسٹ کو کئی راستوں پر ایک اہم ضرورت کے طور پر رکھا ہے۔
