دبئی: دنیا کے شان دار شہروں میں سے ایک اور متحدہ عرب امارات کے سب سے بڑے شہر دبئی میں دوسرا ‘میٹرو میوزک فیسٹول’ جاری ہے، جس میں دنیا کے ایک منفرد موسیقار نے اسٹیج پر انٹری دے کر لوگوں کو حیران کر دیا ہے۔
یہ ‘وَن مین بینڈ’ موسیقار حوزے لوئس پیکواسی ٹوریس کا ہے جن کا تعلق جنوبی امریکی ملک ایکواڈور سے ہے، دبئی میٹرو میوزک فیسٹول میں دوسرے موسیقاروں کے ساتھ ساتھ انھیں بھی خوش آمدید کہا گیا، اور انھوں نے اپنے شو سے ناظرین کو مسحور کر دیا۔
ایکواڈور کا یہ موسیقار، بیلجیئم کے شہر برسلز کی گلیوں میں اپنے پہاڑی علاقے کی منفرد اور جدید موسیقی پرفارمنس کے لیے مشہور ہے، لیکن اس سلسلے میں جو سب سے الگ بات ہے وہ یہ ہے کہ حوزے لوئس مختلف روایتی موسیقی آلات اپنے جسم پر باندھ کر چلتا ہے، اور اسی طرح پرفارمنس پیش کرتا ہے۔
حوزے کے بدن سے جڑے موسیقی آلات میں ایک ڈرم بھی شامل ہے، جسے وہ اپنی پیٹھ پر اٹھائے رکھتے ہیں، ایک گٹار، پھونک والے آلات، چُرنگو (ایک قسم کا جنوبی امریکی پہاڑی لُوٹ یا گٹار)، طنبوری (دف)، اور چیجکس (بکری اور بھیڑ کے کھروں بنا انسٹرمنٹ)، اور ایک گھنٹی جیسا آلہ بھی ہوتا ہے جو ان کی ٹانگوں کے گرد لپٹا ہوتا ہے۔
پرفارمنس کے دوران ان کے ساتھ 2 کٹھ پتلیاں اور ایک بھس بھرا جانور ساتھ ہوتے ہیں، جو ان کی دھنوں کے ساتھ ساتھ حرکت کرتے ہیں، اور ساتھ ہی ایک الپاکا (اونٹ جیسی جنوبی امریکی بھیڑ) کے بالوں والا کھلونا بھی ہوتا ہے جو حوزے کے ساتھی کے طور پر ہوتا ہے۔
ایکسپو دبئی 2020 میں تاریخ رقم ہوگئی
حوزے ٹوریس کا کمال یہ ہے کہ وہ ایک ہی وقت میں ان تمام آلات کو مربوط کر لیتے ہیں، اور اپنے سامعین کو محظوظ کرنے کے لیے کئی پرجوش دھنیں تخلیق کر کے بہترین توازن کے ساتھ بجا لیتے ہیں۔
Unique one-man-band performance turns heads at second Dubai Metro Music Festival.#DubaiDestinations / #DubaiArtSeasonhttps://t.co/TNAodtEKEp pic.twitter.com/6ceYrNKxfL
— Dubai Media Office (@DXBMediaOffice) March 18, 2022
دل چسپ بات یہ ہے کہ 42 سالہ حوزے ٹوریس نے موسیقی خود ہی سیکھی ہے، ان کا کہنا ہے کہ وہ اپنی ثقافتی موسیقی بجانے سے لطف اندوز ہوتے ہیں، اور جب لوگ اس موسیقی کو سن کر لوگوں کے چہروں پر مسرت ابھرتی ہے تو وہ بہت خوش ہوتے ہیں۔
حوزے ٹوریس اس سے قبل بیلجیئم، فرانس، ہالینڈ، جرمنی، برطانیہ، اٹلی، پرتگال، اسپین کے علاوہ جاپان اور جنوبی کوریا جیسے ممالک میں بھی پرفارم کر چکے ہیں۔
واضح رہے کہ دبئی میٹرو میوزک فیسٹیول 16 سے 22 مارچ تک ہے، اور اس میں 20 مقامی، علاقائی اور بین الاقوامی موسیقاروں نے شرکت کر کے پرفارمنس پیش کی۔
