The news is by your side.

Advertisement

دبئی: بارش برسانے کے لیے مصنوعی پہاڑ بنانے کا فیصلہ

دبئی: متحدہ عرب امارات اپنی بنجر زمین کو بدلنے والے انقلابی پروجیکٹس بنانے کے لیے مشہور ہے۔ اب اماراتی حکومت ایسا ہی ایک اور منصوبہ مکمل کرنے جارہی ہے۔

متحدہ عرب امارات حکومت کا ارادہ ہے کہ بارشوں میں اضافے کے لیے مصنوعی پہاڑ بنائے جائیں۔ سائنسدان اس ارادہ کو عملی جامہ پہنانے کے لیے تحقیق میں مصروف ہیں۔

UAE-post-1

ایک عرب جریدے کے مطابق اس پروجیکٹ کے لیے ایک امریکی فضائی تحقیق کی یونیورسٹی اس منصوبے کے لیے تحقیق کر رہی ہے۔ ماہرین کا کہنا ہے کہ پہاڑ کسی خطے میں بارش میں اضافے کا سبب بنتے ہیں۔ پہاڑ نم ہوا کو اوپر کی طرف پھینکتے ہیں جس سے وہ بادلوں میں بدل جاتی ہے اور بارش برساتی ہے۔

UAE-post-2

پروجیکٹ پر کام کرنے والے ماہرین کا کہنا ہے کہ ہم دیکھ رہے ہیں کہ پہاڑوں کی بلندی کتنی ہونی چاہیئے۔ اس سلسلے میں ہم محکمہ موسمیات سے بھی مدد لے رہے ہیں جو یہ بتائے گا کہ کس قسم کی بارش اس علاقے کے لیے مفید ثابت ہوگی۔

گلف ریجن میں پانی کی کمی ایک عام بات ہے۔ قدرتی ذخائر میں کمی اور آبادی میں اضافہ مسائل کو بڑھا رہا ہے۔ متحدہ عرب امارات کا شہری اوسطاً روزانہ 550 لیٹر پانی استعمال کرتا ہے جبکہ عالمی طور پر یہ اوسط 170 سے 300 ہے۔

Comments

comments

یہ بھی پڑھیں