The news is by your side.

Advertisement

دبئی میں دنیا کی نئی بلند ترین عمارت کی تعمیر کا آغاز

دبئی : برج ال خلیفہ کے بعد دنیا کی بلند ترین عمارت کی تعمیر کا آغاز ہوگیا ہے، عمارت کی تعمیر 2020 تک مکمل کرلی جائے گی، یہ عمارت برج الخلیفہ سے بھی بلند ہوگی۔

عرب میڈیا کے مطابق دبئی کے حکم راں، شیخ محمد بن راشد المکتوم نے دبئی میں عمارت کی تعمیر کا آغاز کیا ، یہ عمارت کریک ہاربر پر تعمیر کی جائے گی، اس عمارت کو “دی ٹاور” کا نام دیا گیا ہے۔

d14

d16

حاکم دبئی الشیخ محمد بن راشد آل مکتوم نے کہا کہ آج ہم نے دنیا کی بلند ترین عمارت کا سنگِ بنیاد رکھ دیا ہے ، اس عمارت کی تعمیر انسان کیلئے ایک چیلنج ہوگی، امید ہے کہ اس دوڑ میں دبئی پھر آگے ہوگا۔

dubai-12

d15

نئے برج کی افتتاح تقریب سے خطاب کرتے ہوئے حاکم دبئی الشیخ محمد بن راشد آل مکتوم نے کہا کہ آج ہم نے  نئی بلند ترین عمارت کی تعمیر کا مقصد مستقبل میں مختلف شعبوں میں زیادہ جدت لانا اور معاصر سہولیات سےآراستہ ماحول فراہم کرنا ہے۔

d17

d12

دبئی حکومت کے مطابق اعمار پراپرٹیز اور دبئی ہولڈنگ اس منصوبے پر مل کر کام کریں گے اور اس کا ڈیزائن ہسپانوی نژاد سوئس، سان تیاگو کیلا ٹراوا والز نے تیار کیا ہے، سان تیاگو کیلا ٹراوا نے نیویارک کا ورلڈ ٹریڈ سینٹر پاتھ اسٹیشن کا ڈیزائن بھی بنایا تھا۔

d13

تاہم اس عمارت کی حتمی لمبائی کے بارے میں انکشاف نہیں کیا تھا۔

دبئی سیاحتی اور تفریحی مقاصد کا مرکز بن چکا ہے اور ’برج الخلیفہ‘ جیسی دنیا کی بلند ترین عمارت کا عالمی ریکارڈ رکھتا ہے، جو 828 میٹر طویل ہے، جسے ڈیڑھ ارب ڈالر کی لاگت سے بنایا گیا اور جنوری 2010 میں اس کا افتتاح کیا گیا تھا۔

burj

خیال رہے کہ رواں سال اپریل میں ’اعمار پراپرٹیز‘ نامی تعمیراتی فرم نے اعلان کیا تھا کہ دبئی میں ایک نئی بلند ترین عمارت کی تعمیر کا کام جلد شروع ہوگا، جس پر ایک ارب ڈالر سے زیادہ کی رقم خرچ کی جائے گی۔ اس کا افتتاح 2020ء میں ایکسپو نمائش کے موقع پر کیا جائے گا۔

واضح رہے کہ متحدہ عرب امارات کے شہر دبئی کو  2020 کے تجارتی عالمی ایکسپو کی میزبانی کے لیے منتخب کیا گیا تھا۔

 

Comments

comments

یہ بھی پڑھیں