دبئی: متحدہ عرب امارات کے نائب صدر اور دبئی کے حکمراں شیخ محمد بن راشد المکتوم نے شکایت کرنے والی امارتی شہری علی المزروعی کو سماجی بہبود کی وزارت میں سماجی محقق کے منصب پر فائز کردیا۔
علی المزروعی نے 3 اپریل کو عجمان ریڈیو کو کال کی تھی تاکہ شہریوں بالخصوص محدود آمدنی کے حامل افراد کو درپیش ضروریات کے بارے میں آگاہ کیا جاسکے۔
المزروعی کی شکایت ریڈیو پروگرام کے میزبان کو کام سے روک دئیے جانے کا سبب بھی بن گئی، مذکورہ ریڈیو میزبان نے مسئلے کو خاطر خواہ اہمیت نہ دیتے ہوئے مناسب طور پر معاملہ حل نہیں کیا تھا۔
شیخ محمد بن راشد المکتوم نے سماجی رابطے کی ویب سائٹ ٹویٹر پر اپنے پیغام میں کہا کہ آج ہم نے امارتی شہری علی المزروعی کو اجلاس میں خوش آمدید کہا اور سماجی بہبود کی خاتون وزیر کے منصوبے کو سنا، آٗئندہ تین برسوں کے لیے محدود آمدنی والے تمام طبقوں کے لیے 11 ارب درہم کی سماجی امداد کی منظوری دی۔
استضفنا اليوم المواطن علي المزروعي في مجلس الوزراء. استمعنا لخطة وزيرة تنمية المجتمع. اعتمدنا 11 مليار درهم مساعدات اجتماعية لكافة فئات ذوي الدخل المحدودللثلاث سنوات القادمة. وجهنا بتعيين المزروعي باحثا اجتماعيا بوزارة تنمية المجتمع..تتحرك دولة عندما يتوجع مواطن .هكذا أرادها زايد pic.twitter.com/YEx22LOTs8
— HH Sheikh Mohammed (@HHShkMohd) April 8, 2018
انہوں نے کہا کہ ہم نے علی المزروعی کا سماجی بہبود کی وزارت میں سماجی محقق تقرر کیا ہے، انہوں نے گزشتہ روز علی المزروعی کو دعوت دی تھی کہ وہ اتوار کے روز کابینہ کے اجلاس میں شریک ہوں۔