اے آر وائی ڈیجیٹل کے ڈرامہ سیریل ’کیسی تیری خود غرضی‘ میں مہک کو ان کے انکل نے کراچی جانے سے روک دیا۔
ڈرامہ سیریل ’کیسی تیری خود غرضی‘ میں دانش تیمور (شمشیر)، درفشاں سلیم (مہک)، لائبہ خان (ندا)، نعمان اعجاز (بابا صاحب)، شہود علوی (اکرم مہک کے والد)، لیلیٰ واسطی، عتیقہ اوڈھو، حماد شعیب (احسن) ودیگر مرکزی کردار نبھا رہے ہیں۔
گزشتہ 11ویں قسط میں دکھایا گیا کہ ’مہک کو جب یہ پتا چلتا ہے کہ ان کے والد کو پولیس پکڑ کر لے گئی ہے تو وہ کراچی جانے کا کہتی ہیں لیکن انکل انہیں جانے سے روک دیتے ہیں۔‘
انکل مہک کو بتاتے ہیں کہ ’بیٹا ریحان اور اکرم بھائی کو پولیس اٹھا کر لے گئی ہے، مہک کہتی ہیں کہ بابا پولیس نے گرفتار کرلیا مگر کیوں؟‘
انہیں بتایا جاتا ہے کہ ’کزن احسن نے شمشیر کو گولی مار دی ہے جس کے بعد اس کے باپ نے تمہارے سارے گھر والوں کو گرفتار کروا دیا۔‘
مہک کہتی ہیں کہ ’انکل پلیز مجھے گھر جانے دیں گھر پر ماما بالکل اکیلی ہوں گی۔‘
مہک کے انکل کہتے ہیں ’نہیں بیٹا ابھی تم کراچی نہیں جاسکتیں کیونکہ یہ معاملہ ابھی بہت نازک ہے، میں کل کراچی جارہا ہوں وکیل کے ساتھ اکرم بھائی سے بھی ملوں گا تمہارے بارے میں وہ جیسا کہیں گے ہم ویسا کریں گے۔‘
ڈرامے کی 12ویں قسط کے پرومو میں دکھایا گیا ہے کہ ’شمشیر کوما سے باہر آگئے ہیں اور مہک کو ڈھونڈنے کی کوشش کررہے ہیں جبکہ پولیس کو بھی مہک کے زندہ ہونے کی اطلاع مل گئی جس کے بعد پولیس انہیں تلاش کررہی ہے۔‘
کیا شمشیر مہک تک پہنچ جائیں گے یا پھر بابا صاحب مہک کو مروانے کے لیے دوبارہ کوئی چال چلیں گے؟ یہ سب جاننے کے لیے ’کیسی تیری خود غرضی‘ ہر بدھ کی رات 8 بجے دیکھنا نہ بھولیں۔
