پاکستانی ڈرامہ انڈسٹری کی معروف اداکارہ درفشاں سلیم کی جادو دکھانے کی ویڈیو وائرل ہوگئی۔
اے آر وائی ڈیجیٹل کے ڈرامہ سیریل ’کیسی تیری خود غرضی‘ میں ’مہک‘ نامی لڑکی کا شاندار کردار نبھانے والی اداکارہ درفشاں سلیم کی ویڈیو سوشل میڈیا کے مختلف پلیٹ فارمز پر وائرل ہورہی ہے۔
وائرل ویڈیو میں اداکارہ کو جادو دکھاتے ہوئے دیکھا جاسکتا ہے اور وہ غبارے کو سر پر بیلنس رکھی ہوئی ہیں۔
View this post on Instagram
اداکارہ کی ویڈیو کو ہزاروں کی تعداد میں مداح دیکھ چکے ہیں اور ان کی ویڈیو کی تعریف کررہے ہیں۔
درفشاں سلیم سوشل میڈیا پر کافی متحرک رہتی ہیں اور اکثر اپنے ڈرامے سے متعلق گاہے بگاہے مداحوں کو آگاہ کرتی رہتی ہیں اور مداحوں کی جانب سے بھی ان کی پوسٹ کو سراہا جاتا ہے۔
اداکارہ ڈرامہ سیریل ’کیسی تیری خود غرضی‘ میں ’مہک‘ کا مرکزی کردار نبھا رہی ہیں جبکہ ان کے ساتھ دانش تیمور ’شمشیر‘ کے کردار میں جلوہ گر ہیں۔
ڈرامے کے لکھاری ردین شاہ ہیں اور اس کی ہدایت کے فرائض احمد بھٹی نے انجام دیے ہیں، ’کیسی تیری خود غرضی‘ اے آر وائی ڈیجیٹل پر ہر بدھ کی رات 08:00 بجے نشر کیا جاتا ہے۔