سعودی وزارت برائے بلدیاتی امور نے شہریوں کو خبردار کیا ہے کہ کوڑا دان کو جگہ سے ہٹانے اور ان کا مقام تبدیل کرنے پر جرمانہ ہوگا۔
میڈیا رپورٹ کے مطابق وزارت نے گلی محلوں میں رکھے گئے کوڑا دان کے حوالے سے شہریوں کو آگاہی فراہم کرتے ہوئے کہا ہے کہ کوڑا دان کو خراب کرنے، توڑ پھوڑ پر 1000 ریال جرمانہ ہو گا۔
بلدیات کا کہنا ہے کہ کوڑے دان کی جگہ تبدیل کرنے والے پر بھی 500 ریال جرمانہ ہو سکتا ہے۔
شہریوں پر واضح کیا گیا ہے کہ گلی محلوں میں رکھے گئے کوڑے دان کی جگہ تبدیلی اور ان کو نقصان پہنچانا جرم ہے جس پر جرمانہ کیا جائے گا۔
وزارت نے کہا ہے کہ گلی محلوں میں رکھے گئے کوڑے دان میں عام کچرا ہی پھینکا جائے، عمارتوں کا ملبہ، بڑے حجم کے پلاسٹک، لکڑیاں یا فرنیچر وغیرہ نہ ڈالا جائے۔