The news is by your side.

Advertisement

رمضان المبارک کی تیاریاں، مسجد نبوی کے لیے جدید ای سم سے آراستہ قالین تیار

مدینہ منورہ: سعودی عرب کے ہنر مندوں نے مسجد نبوی کے لیے ای سم سے آراستہ جدید قالین تیار کرلئے جس کے ذریعے نمازیوں کو تمام تر تفصیلات فراہم کی جائیں گی۔

سعودی میڈیا کے مطابق جدید سہولیات سے لیس نئے قالینوں کی پہلی کھیپ رمضان المبارک 1440 ہجری کی آمد کے ساتھ ہی بچھائی جائے گی۔ قالینوں کو چھت سمیت ہر جگہ بچھایا جائے گا۔ رپورٹ کے مطابق نئے قالین سبز رنگ کے عمدہ، مضبوط اور نرم و ملائم ہیں۔

سعودی اخبارکے مطابق مسجد الحرام اور مسجد نبوی کی جنرل پریذیڈنسی کے سربراہ شیخ عبدالرحمن السدیس نے مسجد نبوی کے لیے 20 ہزار 700 نئے قالین خریدنے کی منظوری دی۔

مزید پڑھیں: زائرین مسجد نبوی کے لیے پیدل زمین دوز راستے تیار

میڈیا رپورٹ کے مطابق ہر قالین میں ڈیجیٹل کوڈ سم لگی ہوئی ہے، جس میں تیاری کی تاریخ، استعمال کے طریقے کب اور کتنی بار اس کو صفائی کی ضرورت اور  زائد المیعاد ہونے کی تمام تفصیلات درج ہوں گی جسے عام نمازی بھی دیکھ سکیں گے۔

یاد رہے کہ رمضان المبارک کی آمد سے قبل خادم الحرمین شریفین کی جانب سے مسجدالحرام اور مسجد نبوی میں نمازیوں کو سہولیات فراہم کرنے کے لیے ہر سال جدید سہولیات سے آراستہ دریاں وغیرہ بچھائی جاتی ہیں۔

Comments

comments

یہ بھی پڑھیں