اسلام آباد: سپریم کورٹ کے اںتخابات کرانے کے فیصلے پر عوام نے چیف جسٹس آف پاکستان کو قوم کا ہیرو قرار دے دیا۔
تفصیلات کے مطابق عوام نے سپریم کورٹ کی جانب سے انتخابات کرانے کے فیصلے پر ردعمل دیتے ہوئے کہا کہ چیف جسٹس آئین کے محافظ ہیں ، انھوں نے ملک کو سیاسی بحران سے نکالا اور الیکشن کے راستے پر ڈالا۔
عوام نے چیف جسٹس آف پاکستان کو قوم کا ہیرو قرار دے دیا اور کہا آئین میں نوے روز میں الیکشن کی شق ہے، چیف جسٹس نے آئین ٹوٹنے سے بچالیا۔
یاد رہے سپریم کورٹ نے الیکشن کمیشن کو پنجاب اور خیبر پختونخوا میں نوے روز میں انتخابات کرانے کا حکم دے دیا ہے۔
سپریم کورٹ نے فیصلہ تین دو کی اکثریت سے سنایا، عدالتی فیصلے میں کہا گیا ہے کہ پارلیمانی جمہوریت میں انتخابات اہم عنصر ہیں، اسمبلی کی تحلیل کے بعد نوے روزمیں الیکشن ہونا لازم ہے۔
