بھارت میں پرانے سکوں اور نوٹوں کی نیلامی کرنے والی ویب سائٹ نے ایک روپے کا سکہ رکھنے والوں کو بڑی خوش خبری سنادی۔
بھارتی میڈیا رپورٹ کے مطابق پرانے سکوں اور نوٹوں کی نیلامی کرنے والی ویب سائٹ نے پرانی اشیا اور کرنسی جمع کرنے کے شوقین افراد کو پیش کش کی ہے کہ اگر اُن کے پاس 19ویں صدی کا ایک روپے والا سلور سکہ ہے تو وہ اس کے عوض پانچ لاکھ روپے کما سکتے ہیں۔
ویب سائٹ کی جانب سے اعلان کیا گیا ہے کہ جن لوگوں نے پاس یہ سکہ ہے وہ تصویر بنا کر اسے ویب سائٹ پرشیئر کریں جس کے بعد خریدار یہاں سکے کی بولی لگائیں گے اور سب سے زیادہ بولی والا شخص رقم ادائیگی کے بعد اس سکے کا مالک بن جائےگا۔
سکہ رکھنے والے مالک کا اختیار ہوگا کہ وہ مرضی کی قیمت پر اس کو فروخت کرے، یعنی وہ ایک روپے کے سکے کی مدد سے راتوں رات لکھ پتی بن سکتا ہے۔
رپورٹ کے مطابق ایک روپے کا یہ سکہ 1916 میں استعمال کیا جاتا ہے، جن لوگوں کے پاس یہ سکہ موجود ہے وہ انڈیا مارٹ ڈاٹ کام کی ویب سائٹ پر اسے اپ لوٹ کرسکتے ہیں۔
علاوہ ازیں اس ویب سائٹ پر زمانہ قدیم میں استعمال ہونے والے پانچ پیسے سے لے کر دس روپے اور نایاب سکے فروخت کرسکتے ہیں۔
