کوئٹو: جنوبی امریکی ملک ایکواڈور اور پیرو میں 6.8 شدت کا زلزلہ آیا ہے، جس کے نتیجے میں 18 افراد ہلاک ہو گئے۔
تفصیلات کے مطابق ہفتے کے روز ایکواڈور اور پیرو کو شدید زلزلے نے ہلا کر رکھ دیا ہے، جس سے کم از کم اٹھارہ افراد ہلاک ہو گئے، گھروں اور عمارتوں کو شدید نقصان پہنچا، بڑی تعداد میں خوف زدہ رہائشی سڑکوں پر آ گئے ہیں۔
زلزلے نے ایکواڈور میں تباہی مچا دی ہے، زلزلے کے جھٹکے پیرو کے شمالی علاقوں میں بھی محسوس کیے گئے، زلزے کے باعث متعدد مکانات گر گئے اور 300 سے زیادہ لوگ زخمی ہوئے ہیں۔
زلزلے کے جھٹکے ایک لائیو ٹی وی نشریات کے دوران بھی واضح طور پر محسوس کیے گئے، لاس ہومیلڈس نامی کھیلوں کے پروگرام کا سیٹ زلزلے سے اچانک لرزنے لگا تو میزبان گھبرا گئے، ایک اینکر نے اپنے ساتھیوں کو بار بار پرسکون رہنے کو کہا، تاہم ایک میزبان گھبرا کر باہر نکل گیا، سیٹ پر یہ تھرتھراہٹ کم از کم 30 سیکنڈ تک جاری رہی۔
WATCH: Earthquake hits during live TV show in Ecuador pic.twitter.com/gKWzDpQdnF
— BNO News Live (@BNODesk) March 18, 2023
ایکواڈور کے صدر نے جانی نقصان پر افسوس کا اظہار کیا اور فوری امدادی کارروائی شروع کرنے کی ہدایت کر دی۔
#Earthquake Ecuador Momento en el cual comenzo el fuerte movimiento. pic.twitter.com/3d56e63Slm
— (@EarthquakeChil1) March 18, 2023
صدر گیلرمو لاسو نے صحافیوں کو بتایا کہ زلزلے نے بلا شبہ ملک میں خطرے کی گھنٹی بجا دی ہے، تاہم تمام وزارتیں فعال ہیں اور زلزلے سے ہونے والے نقصانات کے تدارک کے لیے کافی معاشی وسائل دستیاب ہیں۔
زلزلے سے زیادہ تر لوگ ساحلی ریاست ایل اورو میں متاثر ہوئے، جہاں ہونے والی ہلاکتوں کی تعداد 11 بتائی جا رہی ہے۔
