سعودی عرب میں جمعہ کو زلزلے کے جھٹکے محسوس کیے گئے تاہم کسی قسم کے جانی یا مالی نقصان کی اطلاع نہیں ملی ہے۔
غیر ملکی میڈیا رپورٹ کے مطابق سعودی عرب کے مشرقی صوبے کے قریب جمعے کی علی الصباح خلیج عرب میں زلزلے کے جھٹکے محسوس کیے گئے جس کی ریکٹر اسکیل پر شدت 4.4 ریکارڈ کی گئی۔
سعودی جیولوجیکل سروے کے ترجمان کے مطابق زلزلے کا مرکز جبیل شہر سے 55 کلومیٹر دُور مشرق میں تھا۔ زلزلے کی گہرائی کا تعین نہیں کیا جاسکا۔
زلزلے کی کم گہرائی کی وجہ سے اسے مرکز کے قریب اتنی ہی شدت کے زلزلے سے زیادہ شدت سے محسوس کیا گیا۔
حکام کا کہنا ہے کہ یہ زلزلہ عرب ٹیکٹونک پلیٹس اور یوریشین پلیٹس کے آپس میں ٹکرانے کے باعث آیا۔
سعودی جیولوجیکل سروے کے کا کہنا ہے کہ زلزلے کی نوعیت معمولی تھی اور فوری طور پر کسی نقصان کی اطلاع نہیں ملی۔
