The news is by your side.

Advertisement

الیکشن کمیشن آف پاکستان کا سندھ میں بلدیاتی حلقہ بندیوں کا اعلان

اسلام آباد : الیکشن کمیشن آف پاکستان کاسندھ میں بلدیاتی حلقہ بندیوں کااعلان کردیا، یوسیز، یونین کمیٹیز اور وارڈز کی ازسرنو حلقہ بندیاں کی جائیں گی۔

تفصیلات کے مطابق سندھ میں موجودہ بلدیاتی نظام کے خاتمے کے بعدالیکشن کمیشن متحرک ہیں، الیکشن کمیشن آف پاکستان کاسندھ میں بلدیاتی حلقہ بندیوں کااعلان کردیا۔

الیکشن کمیشن کا کہنا ہے کہ یوسیز، یونین کمیٹیز اور وارڈز کی ازسرنو حلقہ بندیاں کی جائیں گی، الیکشن کمیشن کے زیر نگرانی سندھ نئی بلدیاتی حلقہ بندیاں ہوں گی، نئی حلقہ بندیوں کے بعد سندھ میں بلدیاتی الیکشن کا انعقاد ہوگا۔

الیکشن کمیشن آف پاکستان نے بلدیاتی حلقہ بندیوں کا شیڈول جاری کردیا ، جس کے مطابق 9 سے22ستمبرتک سندھ بھرمیں بلدیاتی حلقہ بندیوں کومکمل کیاجائے گا اور 23 ستمبر کو سندھ میں ابتدائی حلقہ بندیاں آویزاں کی جائیں گی۔

الیکشن کمیشن کا کہنا ہے کہ حلقہ بندیوں کے بعد الیکشن شیڈول کااعلان کیاجائے گا۔

خیال رہے سندھ کے بلدیاتی اداروں کو مدت مکمل ہونے پر تحلیل کرنے کا نوٹیفکیشن جاری کردیاگیا ہے ، سندھ حکومت نے میئرز، ڈپٹی میئرز چیئرمین، وائس چیئرمین اور منتخب نمائندوں کی مدت مکمل ہونے کا پروانہ جاری کیا۔

میونسپل کارپوریشن، ڈسٹرکٹ کونسلز، یونین کونسلز کے ساتھ ساتھ میونسپل ، ٹاؤن اور یونین کمیٹیز بھی تحلیل کردی گئی۔

نوٹیفکیشن میں سابق منتخب نمائندوں کو سرکاری گاڑیاں اور دیگر مراعات واپس کرنے کی ہدایت کی گئی ہے۔

Comments

یہ بھی پڑھیں