The news is by your side.

Advertisement

الیکشن کمیشن نے الیکٹرونک ووٹنگ مشین کے معائنے کی حکومتی درخواست منظور کرلی

اسلام آباد : الیکشن کمیشن نے حکومت کی جانب سے الیکٹرونک ووٹنگ مشین کے معائنے کی دعوت قبول کرلی ، الیکشن کمیشن 17اگست 11گیارہ بجے ای وی ایم ڈیمو کا جائزہ لے گا۔

تفصیلات کے مطابق حکومت نے الیکشن کمیشن کو الیکٹرونک ووٹنگ مشین کا معائنہ کرنے کی دعوت دے دی ، اس سلسلے میں وفاقی وزیر سائنس اینڈ ٹیکنالوجی شبلی فراز نے چیف الیکشن کمشنر کے نام خط ارسال کردیا ہے۔

ذرائع وزارت سائنس اینڈ ٹیکنالوجی کی جانب سے خط میں کہا گیا ہے کہ وزرات سائنس اینڈٹیکنالوجی کی جانب سے الیکٹرونک ووٹنگ مشین تیارکی ہے، نئی الیکٹرونک مشین الیکشن کمیشن کی سفارشات کے عین مطابق تیار کی ہے۔

شبلی فراز کا خط میں کہنا تھا کہ چاہتےہیں الیکشن کمیشن الیکٹرونک ووٹنگ مشین کامعائنہ کرےاورتجاویزدے۔

الیکشن کمیشن نے ووٹنگ مشین کے معائنے کی حکومتی درخواست منظور کرلی ہے، الیکشن کمیشن نے وزارت سائنس اینڈ ٹیکنالوجی کی جانب سے دعوت قبول کی، ذرائع کا کہنا تھا کہ الیکشن کمیشن 17اگست 11گیارہ بجے ای وی ایم ڈیمو کا جائزہ لے گا۔

Comments

یہ بھی پڑھیں