اسلام آباد : افسران اورملازمین 3 بنیادی تنخواہوں کے برابر بونس دینے کا اعلان کردیا گیا تاہم 7فروری سے قبل چھٹیوں پر گئے ملازمین اعزازیہ کے حق دار نہیں ہوں گے۔
تفصیلات کے مطابق الیکشن کمیشن کا اپنے افسران اور ملازمین کو 3 اعزازیے دینے کا فیصلہ کرلیا اور اس حوالے سے چاروں صوبائی الیکشن کمشنرز کو مراسلہ جاری کردیا۔
جس میں کہا ہے کہ الیکشن کمیشن ملازمین کو3 بنیادی تنخواہوں کے برابر اعزازیہ دیا جائے گا لیکن تادیبی کارروائی کا سامنا کرنے والے ملازمین کو اعزازیہ نہیں دیاجائےگا
اس کے علاوہ سروس ٹریبونل یاعدلیہ سے رجوع کرنےوالے ملازمین کو بھی اعزازیہ نہیں ملےگا اور 7فروری سے قبل چھٹیوں پرگئےملازمین اعزازیہ کےحق دارنہیں ہوں گے۔
ذرائع نے بتایا کہ الیکشن کمیشن عام انتخابات کےبعد مارچ میں ملازمین کو 2 اعزازیہ پہلےہی دےچکا، رواں مالی سال میں الیکشن کمیشن اپنے ملازمین کو 5 اعزازیے دے رہا۔
ذرائع کے مطابق وزارت خزانہ قواعد کےتحت کوئی ادارہ ایک مالی سال میں صرف ایک اعزازیہ دے سکتا ہے۔
