The news is by your side.

Advertisement

انتخابی ضابطہ اخلاق کی خلاف ورزی، فضل الرحمان کے بھائی کو نوٹس جاری

پشاور : الیکشن کمیشن نے انتخابی ضابطہ اخلاق کی خلاف ورزی پر فضل الرحمان کے بھائی ضیاالرحمان کونوٹس جاری کردیا۔

تفصیلات کے مطابق الیکشن کمیشن خیبر پختونخواہ بلدیاتی الیکشن کے دوران ضابطہ اخلاق خلاف ورزیوں پر متحرک ہے ، الیکشن کمیشن نے فضل الرحمان کے بھائی ضیاالرحمان کونوٹس جاری کردیا۔

سرکاری افسرضیاالرحمان کوڈی آر اونے5فروری کوطلب کرلیا، ضیاالرحمان کوجےیوآئی امیدوار کی مہم چلانے پر نوٹس جاری کیا گیا۔

نوٹس میں کہا گیا کہ جےیوآئی امیدوارکفیل نظامی کو بھی 5 فروری کو ڈی ایم اوکے دفتر میں طلب کرلیا گیا ہے۔

یاد رہے الیکشن کمیشن نے خیبر پختونخوا کے اضلاع میں بلدیاتی انتخابات کے دوسرے مرحلے کے شیڈول کا اعلان کردیا ہے، جو 27 مارچ کو منعقد ہوں گے۔

بلدیاتی امیدواروں کی ابتدائی فہرست 12 جبکہ کاغذاتِ نامزدگی کی جانچ پڑتال 22فروری کو جاری ہوگی۔

Comments

یہ بھی پڑھیں