اسلام آباد: پاکستان تحریک انصاف نے الیکشن کمیشن کے فیصلے کو کرپشن کیخلاف جہاد میں پہلی فتح قرار دے دیا ہے۔

تفصیلات کے مطابق الیکشن کمیشن کی جانب سے پنجاب اسمبلی کے پچیس منحرف ارکان کو ڈی سیٹ قرار دئیے جانے کی دیر تھی کی پی ٹی آئی رہنماؤں نے ٹوئٹر پر محاذ سنبھالا اور الیکشن کمیشن کے فیصلے کو عظیم اور تاریخی قرار دیا۔

پی ٹی آئی سینیٹر فیصل جاوید خان نے الیکشن کمیشن کے تاریخی فیصلے پر پاکستان کو مبارک باد دیتے ہوئے کہا کہ ” تاریخی فیصلے پر لوٹوں اور نوٹوں کو زبردست شکست” ملی ہے، اب تمام تر امپورٹڈ مسائل کا حل صرف اور صرف فوری انتخابات کا اعلان ہے۔

https://twitter.com/FaisalJavedKhan/status/1527593440686460928?s=20&t=jNmB5WKFV-ZXG0iiagS0ZA

پی ٹی آئی رہنما فواد چوہدری نے الیکشن کمیشن کے فیصلے پر ردعمل کا اظہار کرتے ہوئے کہا کہ آج پنجاب کی امپورٹڈ حکومت عملی طور پر ختم ہو چکی، نام نہاد وزیراعلیٰ حمزہ شہباز کوئی شرم کریں ،الیکشن کمیشن فیصلے کے بعد فوری استعفیٰ دیں، کوئی ایک ایسی روایت چھوڑیں جس پر مثبت کمنٹ دیاجا سکے۔

https://twitter.com/fawadchaudhry/status/1527593370398380033?s=20&t=jNmB5WKFV-ZXG0iiagS0ZA

پی ٹی آئی رہنما شبلی فراز نے لکھا کہ لوٹوں کو دھچکا، ہارس ٹریڈنگ اور کرپشن کیخلاف جہاد کی ایک اور فتح

https://twitter.com/shiblifaraz/status/1527592112623173632?s=20&t=__VBE_MLIDB2lEs3VwxOVg

فیا ض الحسن چوہان نے اپنے ٹوئٹ میں کہا کہ میں نے دو ماہ میں پندرہ سے زائد بار پریس کانفرنس کرتے ہوئے کہا تھا کہ علیم اور ترین گروپ الٹا لٹک جائیں، یہ یہ وزیر مشیر اور اسپیکر نہیں بن سکتے، ان کی قسمت میں صرف ڈی سیٹ ہونا ہی لکھا جائے گا۔

https://twitter.com/Fayazchohanpti/status/1527592771237847041?s=20&t=M7_ZP5k90C2ulGz-95k27w