اسلام آباد : الیکشن کمیشن نے کراچی اور حیدرآباد کے بلدیاتی انتخابات سے متعلق ایم کیو ایم کی درخواست مسترد کردی اور کہا بلدیاتی انتخابات 15 جنوری کو ہی ہوں گے۔
تفصیلات کے مطابق الیکشن کمیشن نے کراچی اور حیدرآباد کے بلدیاتی انتخابات سے متعلق درخواستوں پر محفوظ فیصلہ سنا دیا۔
فیصلے میں الیکشن کمیشن نے ایم کیو ایم کی درخواست مسترد کرتے ہوئے جماعت اسلامی کی استدعا منظور کرلی جبکہ انتخابات کے التوا کےلئے سندھ حکومت کا مؤقف بھی مسترد کردیا۔
الیکشن کمیشن کا 15 جنوری کو کراچی اور حیدرآبادکےبلدیاتی انتخابات کرانے کا حکم دیتے ہوئے کہا بلدیاتی انتخابات پرانی ووٹرز لسٹوں پر ہی ہوں گے۔
ایم کیو ایم نے بلدیاتی الیکشن روکنے کیلئے سندھ ہائی کورٹ میں حکم امتناع کی درخواست دائر کی تھی ، جس پر عدالت نے حکم امتناع جاری کرنے سے انکار کردیا۔
خیال رہے جماعت اسلامی نے ہر صورت 15 جنوری کو انتخابات کرانے کی استدعا کی تھی۔
