spot_img

تازہ ترین

عمران خان کو پارٹی چیئرمین شپ سے ہٹانے کی درخواست خارج

اسلام آباد : الیکشن کمیشن نے عمران خان کو پارٹی چیئرمین شپ سے ہٹانے کی درخواست خارج کردی۔

تفصیلات کے مطابق الیکشن کمیشن میں چیئرمین پی ٹی آئی عمران خان کو پارٹی کی سربراہی سے ہٹانے سے متعلق درخواست پر سماعت ہوئی۔

چیف الیکشن کمشنر سکندر سلطان راجہ کی سربراہی میں 3 رکنی بینچ نےسماعت کی۔

وکیل عمران خان بیرسٹر گوہر نے بتایا کہ میں جواب جمع کرا رہا، جس پر چیف الیکشن کمشنر نے کہا کہ کارروائی ایڈورس ایکشن نہیں ہے۔

الیکشن کمیشن نے عمران خان کو پارٹی چیئرمین شپ سے ہٹانے کی درخواست خارج کردی

بیرسٹر گوہر کا کہنا تھا کہ ہائی کورٹ نے کارروائی نہیں روکی تو چیف الیکشن کمشنر نے کہا کہ
جی ہائی کورٹ نے کاروائی نہیں روکی۔

چیف الیکشن کمشنرنے کہا کیس کی سماعت کرنا سخت ایکشن تو نہیں، کسی عدالت نے الیکشن کمیشن کو کیس کی سماعت سے نہیں روکا۔

درخواست گزارمحمد آفاق کی جانب سے وکیل الیکشن کمیشن میں پیش ہوئے اور موقف اپنایا کہ الیکشن کمیشن کی جانب سے نوٹسز غلط ایڈریس اور تاریخ پر موصول ہوئے، یہ الیکشن کمیشن کے عملے کی غلطی ہے۔

اونچا بولنے پرالیکشن کمیشن نے محمد افاق کےوکیل کی سرزنش کرتے ہوئے کہا اونچا بول کر آپ ہم پر دباؤ نہیں ڈال سکتے۔

الیکشن کمیشن نے عمران خان کو پارٹی چیئرمین شپ سے ہٹانے کی درخواست خارج کر دی۔

Comments

- Advertisement -