عمران خان کی چار حلقوں میں کام یابی کا نوٹیفکیشن جاری -
The news is by your side.

Advertisement

عمران خان کی چار حلقوں میں کام یابی کا نوٹیفکیشن جاری

اسلام آباد: الیکشن کمیشن آف پاکستان نے تحریکِ انصاف کے چیئرمین عمران خان کی چار حلقوں میں کام یابی کا نوٹیفکیشن جاری کر دیا۔ 

تفصیلات کے مطابق پی ٹی آئی چیئرمین کی قومی اسمبلی کے چار حلقوں میں کام یابی کا نوٹیفکیشن جاری کر دیا گیا ہے، ای سی پی نے باقاعدہ طور پر عمران خان کو کام یاب قرار دے دیا۔

الیکشن کمیشن کا کہنا ہے کہ عمران خان کی کام یابی کا پہلے جاری کردہ نوٹیفکیشن مشروط تھا، آج مختلف وقفوں سے مجموعی طور پر عمران خان کی 4 حلقوں میں کام یابی کے نوٹیفکیشن جاری کیے جا چکے ہیں۔

الیکشن کمیشن کے مطابق پی ٹی آئی چیئرمین عمران خان این اے 35، این اے 95، اور این اے 243 سے کام یاب قرار پائے ہیں، جب کہ این اے 131 لاہور سے بھی عمران خان کی کام یابی کا نوٹیفکیشن جاری کیا جا چکا ہے۔

این اے 131 سے عمران خان کی کامیابی کا نوٹی فیکیشن جاری

حکام کا کہنا ہے کہ اسلام آباد کے حلقے این اے 53 پر ووٹ کی رازداری کی وجہ سے کام یابی کا نوٹیفکیشن جاری نہیں کیا گیا، ووٹ کی رازداری کا معاملہ الیکشن کمیشن میں زیرِ سماعت ہے۔

خیال رہے کہ این اے 53 اسلام آباد کے حلقے میں عمران خان کا مقابلہ مسلم لیگ ن کے رہنما اور سابق وزیرِ اعظم شاہد خاقان عباسی کے ساتھ تھا۔

Comments

comments

یہ بھی پڑھیں