اسلام آباد: الیکشن کمیشن نے توہین الیکشن کمیشن کیس میں چیئرمین پی ٹی آئی عمران خان، فواد چوہدری اور اسد عمر کو پیش ہونے کا آخری موقع دیتے ہوئے فیصلہ محفوظ کرلیا۔
تفصیلات کے مطابق الیکشن کمیشن میں چیئرمین پی ٹی آئی عمران خان ، رہنما فواد چوہدری اور اسد عمر کے خلاف توہین الیکشن کمیشن کیس کی سماعت ہوئی۔
کمیشن کے چار رکنی بینچ نے سماعت کی، پی ٹی آئی کی جانب سے جونئیر وکیل پیش ہوئے اور بتایا کہ سینئر وکیل پشاور میں جنازہ پر ہے اس لئے پیش نہیں ہو سکتے۔
ممبر الیکشن کمیشن کے پی کے نے کہا کہ وکیل اگر آنہیں سکتے تو انکا وکالت نامہ کینسل کردے کیا، عمران خان اور دوسرے کہاں ہیں؟
ممبر الیکشن کمیشن کے پی کا کہنا تھا کہ ہائیکورٹ نے وارنٹ گرفتاری کا حکم صرف معطل کیا ہے،ممبر الیکشن کمیشن نے کھا کہ حاضری کے لئے فریقین کو آخری موقع دیتے ہیں، اگر پیش نہیں ہوں تو ہم وکلا کے وکالت نامے منسوخ کر دیں گے۔
الیکشن کمیشن نے کیس کا فیصلہ محفوظ کر کے فریقین کو آخری موقع دیکر کیس کی سماعت 24 جنوری تک ملتوی کردی۔
