تازہ ترین

ایرانی صدر کی مزار اقبال پر حاضری، پھول چڑھائے اور فاتحہ خوانی کی

لاہور: ایران کے صدر ابراہیم رئیسی کی لاہور آمد...

پاک ایران سرحد پر باہمی رابطے مضبوط کرنے کی ضرورت ہے، آرمی چیف

راولپنڈی: آرمی چیف جنرل عاصم منیر کا کہنا ہے...

پی ٹی آئی دورِحکومت کی کابینہ ارکان کے نام ای سی ایل سے خارج

وفاقی حکومت نے پی ٹی آئی دورِحکومت کی وفاقی...

سنی اتحاد کونسل کو مخصوص نشستیں دی جائیں گی یا نہیں؟ حتمی فیصلہ آج کیا جائے گا

اسلام آباد : الیکشن کمیشن سنی اتحاد کونسل کو مخصوص نشستیں دینے سے متعلق حتمی فیصلہ آج کرے گا، سنی اتحاد کونسل کو کوٹہ ملنے پر 4.5 کے تناسب سے ایک مخصوص نشست ملے گی۔

تفصیلات کے مطابق سنی اتحاد کونسل کی جانب سے مخصوص نشستوں کی درخواست کے معاملے پر الیکشن کمیشن نے اہم اجلاس طلب کرلیا۔

ذرائع نے بتایا کہ اجلاس میں سنی اتحاد کونسل کی درخواست کا جائزہ لیا جائے گا، جس کے بعد کمیشن سنی اتحاد کونسل کو مخصوص نشستیں دینے سے متعلق حتمی فیصلہ کرے گا۔

ذرائع کا کہنا ہے کہ الیکشن کمیشن مخصوص نشستوں کا کوٹہ آج سیاسی جماعتوں کوالاٹ کرے گا، سنی اتحاد کونسل کو کوٹہ ملنے پر 4.5 کے تناسب سے ایک مخصوص نشست ملے گی۔

ذرائع کے مطابق سنی اتحاد کونسل کو کوٹہ نہ ملنے پرسیاسی جماعتوں کو 3 کے تناسب سے مخصوص نشستیں ملیں گی۔

ذرائع نے کہا ہے کہ الیکشن کمیشن کی جانب سے آج حتمی پارٹی پوزیشن جاری کیے جانے کا امکان ہے۔

خیال رہے سربراہ سنی اتحاد کونسل نے الیکشن کمیشن میں قومی اسمبلی کے چھیاسی آزاد امیدواروں کے بیان حلفی جمع کرادیے ہیں۔

خیبرپختونخوا اسمبلی کے پچاسی، پنجاب کے ایک سو پانچ اور سندھ سے نو کامیاب ارکان سنی اتحاد کونسل میں شامل ہوئے، جس کے بعد پارٹی نے مخصوص نشستوں کے لیے فہرست جمع کرادی۔

Comments

- Advertisement -