کیوٹو : ایکواڈور کی ایک جیل میں قیدیوں کت درمیان ہونے والے تصادم سے 100 افراد ہلاک اور52زخمی ہوگئے۔ پولیس اور فوج نے مشترکہ کارروائی کرکے حالات کو قابو میں کیا۔
ایکواڈور کے شہر گوایاکل کی جیل حکام کے مطابق قیدیوں کے درمیان ہونے والی لڑائی میں فائرنگ کے ساتھ گرنیڈ اور چاقوؤں کا بھی استعمال کیا گیا، جیل میدان جنگ کا منظر پیش کرنے لگی۔
اس حوالے سے ایکواڈور کے صدر کا کہنا ہے کہ پولیس اور فوج پانچ گھنٹے کی کوشش کے بعد جیل کا کنٹرول دوبارہ حاصل کر نے میں کامیاب ہوئے، متعلقہ حکام نے واقعے کی تحقیقات کا آغاز کردیا ہے۔
- Advertisement -
میڈیا رپورٹس کے مطابق قیدیوں میں منشیات فروشوں کے دو بڑے گروپس کے درمیان تصادم ہوا، ایکواڈور کی جیلوں میں اس سے پہلے بھی کئی بارقیدیوں کے درمیان خون ریزی ہو چکی ہے۔
