مصر کے صدر عبدالفتاح السیسی نے کہا ہے کہ ہم فلسطینی کاز کو ختم ہونے سے بچانے کی کوشش کر رہے ہیں۔
اسرائیل نے کہا ہے کہ وہ رفح شہر پر حملہ کرنے کا ارادہ رکھتا ہے جہاں دس لاکھ سے زیادہ لوگ رہتے ہیں جس پر ردعمل دیتے ہوئے عبدالفتاح السیسی نے جبری انخلا کی مذمت کی ہے۔
اسرائیل کا کہنا ہے کہ وہ غزہ کے سرحدی شہر سے شہریوں کو نکالے گا اور اتحادیوں کے انتباہ کے باوجود اس پر حملہ کرے گا جس سے بڑے پیمانے پر جانی نقصان ہو سکتا ہے۔
ٹیلی ویژن تقریر میں صدر السیسی نے کہا کہ مصر نے [جنگ کے] پہلے لمحے سے ہی واضح موقف اپنایا کہ فلسطینیوں کی اپنی سرزمین سے سینائی یا کسی اور جگہ کی جبری ہجرت کو یکسر مسترد کرتے ہیں تاکہ فلسطینی کاز کو ختم ہونے سے بچایا جا سکے اور مصر کی قومی سلامتی کی حفاظت کی جا سکے۔
اسرائیلی فوج نے ٹائمز آف اسرائیل کو بتایا کہ اسرائیلی فوج کی اہم انفنٹری یونٹوں میں سے ایک نہال بریگیڈ کو غزہ سے واپس لے لیا گیا ہے تاکہ رفح پر حملے کی تیاری کی جا سکے۔
