The news is by your side.

Advertisement

غریب گھرانوں کیلیے اچھی خبر، امداد میں اضافہ

مستحق اور غریب گھرانوں کےلئےاچھی خبر، وفاقی حکومت نے احساس کفالت پروگرام کی امداد میں اضافےکا فیصلہ کر لیا۔

احساس کفالت کے تحت مستحق اہل گھرانوں کو 12کے بجائے13ہزار ملیں گے۔ مستحق گھرانوں کیلئے 1ہزار روپے امدادی رقم میں اضافہ وزیر اعظم کی ہدایت پر کیا گیا ہے۔

امدادی رقم میں اضافہ کے فیصلےسے80 لاکھ گھرانے مستفید ہوں گے۔ احساس کفالت پروگرام کی امدادی رقم میں اضافہ یکم فروری سےدیاجائے گا۔

مستحق گھرانوں کو سال میں 2مرتبہ 13 ،13 ہزار روپےامداددی جائے گی۔ مستحقین کو امداد کی مدمیں سالانہ رقم 24 ہزار کےبجائے 26 ہزار روپے ملیں گے۔

وزیراعظم کی معاون خصوصی برائے سماجی تحفظ و تخفیفِ غربت ڈاکٹر ثانیہ نشتر کا کہنا ہے کہ امداد میں اضافے سے حکومت کو ہر سال 12 سے 14ارب روپے اضافی ادا کرنا پڑیں گے۔

Comments

یہ بھی پڑھیں