The news is by your side.

Advertisement

احساس پروگرام: 5 دن کے دوران مستحقین میں28.5ارب تقسیم کیےگئے،اسد عمر

اسلام آباد: وفاقی وزیر منصوبہ بندی اسد عمر کا کہنا ہے کہ احساس پروگرام کے تحت 5 دن کے دوران مستحقین میں28.5ارب تقسیم کیےگئے۔

تفصیلات کے مطابق سماجی رابطے کی ویب سائٹ ٹویٹر پر وفاقی وزیراسد عمر نے اپنے پیغام میں کہا کہ احساس ایمرجنسی ریلیف پروگرام کے تحت امدادی رقم کی تقسیم جاری ہے۔

اسد عمر کا کہنا تھا کہ 5 دن کے دوران مستحقین میں28.5 ارب تقسیم کیےگئے، 5 دن کے دوران 23 لاکھ سے زائدمستحقین میں رقم تقسیم کی گئی،امدادی پروگرام کا پیمانہ دیکھ لیں ہماری تاریخ میں مثال نہیں ملتی۔

15 اپریل کے بعد کیا کرنا ہے کل اجلاس میں فیصلہ کر لیا جائےگا، اسد عمر

اس سے قبل مطابق وفاقی وزیر منصوبہ بندی اسد عمر نے نیوز کانفرنس کے دوران کہا تھا کہ کل صبح نیشنل کمانڈ سینٹر کی ایک اور اہم میٹنگ ہوگی،کل اجلاس میں وزرائے اعلیٰ بھی شرکت کریں گے۔

وفاقی وزیر منصوبہ بندی اسد عمر کا مزید کہنا تھا کہ 15 اپریل کے بعد کیا کرنا ہے کل اجلاس میں فیصلہ کر لیا جائےگا۔

Comments

یہ بھی پڑھیں