متحدہ عرب امارات (یو اے ای) کے فلکیاتی ماہرین کی جانب سے عید الفطر کے چند روز بعد ہی عید الاضحیٰ کے حوالے سے بھی پیشگوئی کردی گئی ہے۔
متحدہ عرب امارات (یو اے ای) کے ماہرین فلکیات نے عید الاضحیٰ کے حوالے سے پیشگوئی کرتے ہوئے کہا ہے کہ یو اے ای میں 6 جون بروز جمعہ کو عید الاضحیٰ منائی جائے گی۔
ایمریٹس آسٹرونومی سوسائٹی کا کہنا ہے کہ 27 مئی کی شام کو ذی الحج کا چاند نظر آنے کا امکان ہے، پیشگوئی اگر صحیح ثابت ہوئی تو یو اے ای میں 28 مئی کو ذی الحج کا پہلا دن ہوگا۔
اماراتی وقت کے مطابق چاند صبح 7:02 پر طلوع ہوگا اور سورج غروب ہونے کے بعد تقریباً 38 منٹ تک آسمان پر دکھائی دے گا جس سے چاند نظر آنے کے امکانات میں اضافہ ہوجاتا ہے۔
ایمریٹس آسٹرونومی سوسائٹی سوسائٹی کے چیئرمین ابراہیم الجروان کا کہنا ہے کہ مقامی چاند کی رویت کی بنیاد پر عید کی تاریخوں کا تعین کیا جائے گا۔
متحدہ عرب امارات کے سرکاری تعطیل کے کیلنڈر کے مطابق، یوم عرفات اور عید کیلئے چھٹی ذی الحج کی 9 سے 12 (1445 ہجری) تک ہوگی جو 4 دن کی چھٹی کے برابر ہے۔
اس سے قبل ماہرین فلکیات نے پاکستان میں چاند کے ابتدائی حسابات کی بنیاد پر عید الاضحیٰ کیلئے 7 جون 2025 بروز ہفتے کا امکان ظاہر کیا جارہا ہے۔
پاکستان میں عید الاضحیٰ کب ہوگی؟
تاہم عید کی حتمی تاریخ کا اعلان مرکزی رویت ہلال کمیٹی کی جانب سے ذی الحج کا چاند نظر آنے کے بعد کیا جائے گا۔
