The news is by your side.

Advertisement

سندھ حکومت نے عید الاضحیٰ پر مویشی منڈیاں لگانے کی اجازت دے دی

کراچی : عید الاضحیٰ پر سندھ میں ایس او پیز کے ساتھ مویشی منڈی لگائی جائیں گی، سندھ حکومت نے اجازت دینے کا فیصلہ کر لیا۔

تفصیلات کے مطابق حکومت سندھ نے عید الاضحیٰ کے موقع پر قربانی کے جانوروں کی خرید وفروخت کیلئے مویشی منڈیاں لگانے کی اجازت دینے کا فیصلہ کیا ہے۔ تاہم اس کیلئے تمام ایس او پیز پر عمل درآمد لازمی ہوگا۔

اس حوالے سے محکمہ بلدیات سندھ نے مویشی منڈیوں کیلئے ایس اوپیز تیار کرلی ہیں، تمام ٹاؤن، میونسپل کمیٹیز، ڈسٹرکٹ کونسلز اور میونسپل کارپوریشنز کی حدود میں مویشی منڈیوں میں کاروبار کی اجازت ہوگی۔

ایس او پیز کے مطابق مویشی منڈی میں خریداروں کیلئے الگ لائن مختص کی جائے گی اور بیوپاریوں کے لیے دو الگ لائنیں بنائی جائیں گی جبکہ خریدوفروخت کے دوران 3 سے 6 فٹ کا سماجی فاصلہ برقرار رکھنا لازمی ہوگا اور منڈی میں آنے والے تمام شہریوں کیلئے ماسک کا استعمال لازم ہوگا۔

Comments

یہ بھی پڑھیں