صوبہ کے پی میں سیکیورٹی فورسز نے بروقت کارروائی کرتے ہوئے ریمورٹ کنٹرول بم ناکارہ بنادیا ہے۔
بم ڈسپوزل اسکواڈ کے مطابق تھانہ منڈاں کی حدود میں آٹھ کلو وزنی ریمورٹ کنٹرول بم کو ناکارہ بنایاگیا ہے، بم سڑک کنارے نصب تھا۔
بی ڈی ایس کے مطابق بم کے ساتھ پرائما کارڈ،ڈیٹونیٹراوربال بیرنگ لگائےگئےتھے تاہم سیکورٹی فورسز نے بروقت کارروائی کرتے ہوئے شہر کو بڑی تباہی سے بچالیا۔
یہ بھی پڑھیں: سی ٹی ڈی کی کارروائی، کالعدم تنظیم کا کارندہ ہلاک
واضح رہے کہ گذشتہ روز سیکیورٹی فورسز نے ڈی آئی خان میں کامیاب آپریشن کرتے ہوئے کالعدم تنظیم ٹی ٹی پی گنڈاپورگروپ کے اہم دہشت گرد کو ٹھکانے لگایا تھا۔
سی ٹی ڈی ترجمان کے مطابق دہشت گرد سی ٹی ڈی،پولیس،سیکیورٹی فورسزپرآٹھ حملوں میں مطلوب تھا، ہلاک دہشت گرد کےقبضے سےاسلحہ اوردستی بم برآمد ہوئے۔
