پشاور: الیکشن کے روز ووٹرز کو بریانی، میوہ چنا پلاؤ اور کباب کھلانے کی تیاری کرلی گئی اور طرح طرح کے کھانوں کے آرڈرز دے دیئے گئے۔
تفصیلات کے مطابق عام انتخابات کے لئے پولنگ والے دن امیدوار نے اپنے ووٹرز کے لیے ہوم ورک مکمل کرلیا ہے، بریانی کے آرڈرز تو کہیں چکن پلاؤ کی دیگیں تیار ہوں گی۔
پشاور کے اُمیدواروں نے الیکشن کے دن ووٹرز کے لذیذ کھانوں سے استقبال کیلئے مزیدار کھانوں کے آرڈر دے دیئے ہیں۔
- Advertisement -
اس سلسلے میں شہر کے مشہور پکوان تیار کرنے والوں کی بھی خوب چاندی ہوگئی ہے، کسی کو دس دس دیگیں چاول تیار کرنے کو ملی ہیں تو کسی کونان کباب کے آرڈر وصول ہوچکے ہیں۔
آٹھ فروری کے لیے آرڈر مل گئے اور دیگیں چڑھ گئیں ، ووٹرز کو مزے مزے کے پکوان کھانے کو ملیں گے، لیکن ووٹ کس کو پڑیں گے یہ الیکشن نتائج ہی بتائیں گے۔
