کراچی: کے الیکٹرک کی جانب سے عام انتخابات 2024 کی تیاری کے لیے تمام ضروری اقدامات جاری ہیں۔ الیکشن کمیشن آف پاکستان (ECP) کی جانب سے شناخت کیے گئے پولنگ اسٹیشنز اور دیگر معاون دفاتر 7 فروری سے 9 فروری، انتخابی عمل کی تکمیل تک لوڈشیڈنگ سے مستثنیٰ رہیں گے۔
محفوظ و مستحکم بجلی کی فراہمی کو یقینی بنانے اور نگرانی کے لیے کے لیے کے الیکٹرک نے خصوصی پاور مانیٹرنگ سیل قائم کیا ہے۔ کے الیکٹرک تمام متعلقہ اسٹیک ہولڈرز بشمول الیکشن کمیشن آف پاکستان (ECP)، مقامی حکومت اور قانون نافذ کرنے والے حکام کے ساتھ مسلسل رابطے میں ہے تاکہ اس دوران زیادہ سے زیادہ ممکنہ تعاون فراہم کیا جا سکے۔
کے الیکٹرک کی عام انتخابات 2024 کی تیاریاں؛ پولنگ اسٹیشنوں کو مکمل تعاون فراہم کیا جائے گا
کے الیکٹرک کا عملہ اور قیادت الرٹ پر ہیں اور متعلقہ حکام سے مستقل رابطے میں بھی ہیں۔
ای سی پی کے نشاندہی کردہ مقامات لوڈ شیڈنگ سے مستثنی رہیں گے۔
انتخابات کے تسلسل کے لیے خصوصی پاور…
— Imran Rana, Spokesperson, K-Electric (@imranrana21) February 7, 2024
ترجمان کے الیکٹرک نے کہا، "ہم انتخابی عمل کو آسان بنانے کے لیے پرعزم ہیں، اور ہماری تکنیکی ٹیمیں کسی بھی مقامی فالٹز کو دور کرنے کے لیے 24 گھنٹے دستیاب رہیں گی۔ کے الیکٹرک لائیو ایپ، واٹس ایپ، اور سوشل میڈیا چینلز 24 گھنٹے کسٹمر سپورٹ کے لیے موجود ہوں گے ہمارا کال سنٹر بھی مکمل طور پر فعال رہے گا۔ کسی بھی صارف کو ایسا بجلی کا بل جاری نہیں کیا گیا جس میں ادائیگی کی آخری تاریخ8 فروری ہو۔
