ایڈیشنل آئی جی خادم حسین نے کہا ہے کہ الیکشن کے دوران کراچی میں 45 ہزار پولیس اہلکار ڈیوٹی دیں گے جبکہ 6 ہزار رینجرز اہلکار بھی فرائض انجام دیں گے۔
تفصیلات کے مطابق ایڈیشنل آئی جی خادم حسین رند کا میڈیا سے گفتگو کرتے ہوئے کہنا تھا کہ گزشتہ الیکشن کے مقابلے میں اس بار صورتحال بہترہے۔ دورانِ الیکشن کراچی میں 45 ہزار پولیس اہلکار ڈیوٹی دیں گے۔
ایڈیشنل آئی جی خادم حسین نے کہا کہ رینجرز کے 6 ہزار اہلکار اور دیگر اداروں کے لوگ بھی ہونگے۔ قانون نافذ کرنے والے اداروں کے ساتھ رابطے میں ہیں۔ کراچی بہت جلد سیکیور ہوجائے گا۔
اےآئی جی نے کہا کہ گزشتہ رات بچے کی ہلاکت پر گرفتاریاں کی ہیں۔ خطرات موجود ہیں، ہائی اور ریڈالرٹ جاری کیا ہے۔ گزشتہ روز دھماکے سے کوئی جانی نقصان نہیں ہوا۔
انھوں نے کہا کہ کوئی بھی ملک ہو پولیس اکیلی جرائم سے نہیں لڑسکتی۔ ٹیکنالوجی اور عوام کے تعاون سے جرائم پر قابو پایا جاسکتا ہے۔
