قومی میڈیا کیلئے ضابطہ اخلاق پر پابندی کیلئے الیکشن کمیشن کا چیئرمین پیمرا کو مراسلہ ارسال کر دیا۔
مراسلہ میں کہا گیا ہے کہ پیمرا الیکشن کمیشن کےضابطہ اخلاق پر عملدرآمد کو یقینی بنائے اور پیمرا آگاہ کرے کہ نظریہ پاکستان، خودمختاری کیخلاف موادنشر نہ کیاجائے۔
مراسلہ کے مطابق عدلیہ کی آزادی اور قومی اداروں کے خلاف کسی قسم کا مواد نشر نہ کیا جائے اور قومی یکجہتی کیخلاف الزام یا بیان میڈیا پر نشر نہ کیا جائے، ایسا مواد نشر نہ کیا جائےجس سے پولنگ یا بعد میں امن کےحالات خراب ہوں۔
مراسلہ میں پابند کیا گیا کہ الیکشن کے دن میڈیا پر پولنگ اسٹیشنز پر کسی قسم کا سروے نہ کیا جائے الیکشن ڈے پر پیمرا یقینی بنائےکسی قسم کی فیک نیوز نشر نہ کی جائیں، پولنگ کے اختتام کے ایک گھنٹے بعد غیرحتمی غیرسرکاری نتائج نشر کیے جا سکتےہیں۔
یہ بھی کہا گیا کہ پولنگ کے دوران یقینی بنایا جائے میڈیا انتخابی عمل میں رکاوٹ نہ ڈالے۔
