الیکشن کمیشن آف پاکستان نے کہا ہے کہ قومی اور صوبائی اسمبلیوں کیلئے 26 کروڑ بیلٹ پیپرز چھاپے گئے ہیں۔
تفصیلات کے مطابق الیکشن کمیشن کے ترجمان کا کہنا ہے کہ بیلٹ پیپرز کی چھپائی کا کام مکمل کرلیا گیا۔ قومی و صوبائی اسمبلیوں کیلئے 26 کروڑ بیلٹ پیپرز چھاپے گئے جبکہ تینوں سرکاری پریس اداروں میں چھپائی کا کام مکمل کیا گیا ہے۔
ترجمان نے کہا کہ بیلٹ پیپرز متعلقہ ڈی آر اوز اور نمائندوں کے حوالے کردیے۔ تمام صوبوں میں بیلٹ پیپرزکی ترسیل زمینی اور ہوائی طریقے سے کی گئی۔
الیکشن کمیشن نے کہا کہ عدالتی فیصلوں کے بعد متعدد حلقوں میں بیلٹ پیپرز دوبارہ چھاپنے پڑے۔ متعلقہ حلقوں میں بیلٹ پیپرز کی چھپائی کا کام وقت پر مکمل کرلیں گے۔
2018 میں 22 کروڑ بیلٹ پیپرزچھاپے گئے، 800 ٹن اسپیشل سیکیورٹی کاغذ استعمال ہوا۔ 2024 میں 26 کروڑ بیلٹ پیپرز چھاپے گئے، 2170 ٹن اسپیشل سیکیورٹی کاغذ استعمال کیا گیا۔
ترجمان الیکش کمیشن آف پاکستان کا کہنا تھا کہ 2018 کے مقابلے میں اس بار امیدواروں کی تعداد 194 فیصد زیادہ ہے۔
