سیالکوٹ سے قومی اسمبلی کی نشست این اے 71 سے مسلم لیگ ن کے مرکزی رہنما اور سابق وزیر دفاع خواجہ آصف جیت گئے ہیں۔
اے آر وائی نیوز کے مطابق سیالکوٹ سے قومی اسمبلی کی نشست این اے 71 کا غیر سرکاری اور غیر حتمی نتیجہ کئی گھنٹے بعد جاری کر دیا گیا ہے جس کے مطابق ن لیگ کے رہنما خواجہ آصف کامیاب قرار پائے ہیں۔
غیر سرکاری اور غیر حتمی نتائج کے مطابق خواجہ آصف نے اس حلقے سے ایک لاکھ 18 ہزار 566 ووٹ حاصل کر کے کامیابی حاصل کی جب کہ ان کے مدمقابل پی ٹی آئی کی حمایت یافتہ آزاد امیدوار ریحانہ ڈار ایک لاکھ 272 ووٹ لے کر دوسرے نمبر پر رہیں۔
الیکشن 2024 پاکستان: جانیے مکمل غیر حتمی اور غیر سرکاری نتائج
واضح رہے کہ آج صبح ریحانہ ڈار کی جانب سے دعویٰ کیا گیا تھا کہ ان کے پاس حلقے کے تمام پولنگ اسٹیشنز کے فارم 45 موجود ہیں جس کے مطابق وہ خواجہ آصف کو شکست دے چکی ہیں۔
