پاکستان مسلم لیگ ن کے سربراہ نواز شریف نے ووٹ ڈالنے کے بعد میڈیا سے گفتگو کی جس میں ان سے مریم نواز کو وزیراعلیٰ پنجاب بنانے سے متعلق سوال کیا گیا۔
اے آر وائی نیوز کے مطابق نواز شریف نے لاہور کے علاقے ماڈل ٹاؤن میں این اے 128 پر اپنا ووٹ کاسٹ کیا۔ حق رائے دہی استعمال کرنے کے بعد سابق وزیراعظم نے میڈیا سے مختصر گفتگو کی جس میں ایک صحافی نے ان سے مریم نواز کے وزیراعلیٰ پنجاب بنانے سے متعلق بھی ایک سوال کیا۔
اس سوال کے جواب میں نواز شریف نے کہا کہ انتخابات کے نتائج کے بعد پارٹی ہی مریم نواز کو وزیر اعلیٰ پنجاب بنانے کا فیصلہ کرے گی۔
- Advertisement -
مسائل حل کرنے ہیں تو ایک پارٹی کو مینڈیٹ ملنا چاہیے، نواز شریف
ان کا کہنا تھا کہ مریم نواز نے جیلیں کاٹی ہیں۔ ان کی بہت جدوجہد ہے اور برے وقت میں پارٹی کے لیے بہت کام کیا ہے۔
