The news is by your side.

Advertisement

عمران خان کی نااہلی کیلیے اسپیکر قومی اسمبلی کا ریفرنس الیکشن کمیشن کو موصول

سابق وزیراعظم عمران خان کی جانب سے توشہ خانہ کے تحائف کی تفصیلات چھپانے کے معاملے پر اسپیکر قومی اسمبلی کا ریفرنس الیکشن کمیشن کو موصول ہوگیا ہے۔

اے آر وائی نیوز کے مطابق پاکستان تحریک انصاف کے سربراہ اور سابق وزیراعظم عمران خان کی جانب سے توشہ خانہ کے تحائف کی تفصیلات چھپانے کے معاملے پر اسپیکر قومی اسمبلی راجا پرویز اشرف کا ریفرنس الیکشن کمیشن کو موصول ہوگیا ہے۔

اسپیکر قومی اسمبلی نے عمران خان کی نا اہلی کا ریفرنس الیکشن کمیشن کو گزشتہ روز بھجوایا گیا تھا۔

ذرائع نے بتایا کہ ریفرنس میں اسپیکر قومی اسمبلی نے کہا ہے کہ سابق وزیراعظم عمران خان نے توشہ خانہ سے لیے تحائف اپنے اثاثوں میں ظاہر نہیں کیے اور نہ ہی انہوں نے تحائف بھیجنے کی رقوم کی تفصیلات گوشواروں میں جمع کرائیں۔

ذرائع کے مطابق اسپیکر نے ریفرنس کی فوری سماعت کی درخواست کرتے ہوئے استدعا کی ہے کہ عمران خان کو آئین کے آرٹیکل 62 ون ایف کے تحت نا اہل قرار دیا جائے۔

واضح رہے کہ گزشتہ روز پی ڈی ایم نے آرٹیکل63 کے تحت چیئرمین پی ٹی آئی عمران خان کی نااہلی کیلئے الیکشن کمیشن میں ریفرنس دائر کیا تھا

یہ بھی پڑھیں: پی ڈی ایم نے عمران خان کی نااہلی کیلئے ریفرنس دائر کردیا

پی ڈی ایم کی جانب سے دائر ریفرنس میں بھی استدعا کی گئی ہے کہ عمران خان کو آرٹیکل 62 ون ایف کے تحت نااہل کیا جائے۔

Comments

یہ بھی پڑھیں